მხედველობის კორექციის პროცედურა

თვალის გაუტკივარება ხდება სპეციალური წვეთებით (ტოპიკური ანესთეზიით). ფემტო-ლაზერული იმპულსები ფოკუსირდება რქოვანას ზედაპირზე და ქმნის განაკვეთს. წინასწარ დაპროგრამებული კვეთის სიღრმით ლაზერული იმპულსები წარმოქმნის წყლისა და აირის მიკროსკოპულ ბუშტუკებს, რომელებიც ფართოვდება და აშრევებს რქოვანას ქსოვილს.

მილიონობით უმცირესი ლაზერული იმპულსი წარმოქმნის უწყვეტ ანათალს (Flap), რომელიც ძალიან მარტივად სცილდება ქსოვილს და იკეცება უკან.

რამოდენიმე წამში ექსიმერ ლაზერის იმპულსები რქოვანას აცილებს წინასწარ განსაზღვრული სისქის შრეს, რის შედეგადაც ხდება რქოვანას სისქის კორექცია და მხედველობის აღდგენა.

ანათალი უბრუნდება თავის პირვანდელ პოზიციას და ეკვრება რქოვანას, როგორც ბუნებრივი პლასტირი.