ცხვირიდან სისხლდენა
ა უნდა ვიცოდეთ ცხვირიდან სისხლდენის შესახებ
- ცხვირიდან სისხლდენა შეიძლება განვითარდეს ცხვირის ნაზი სისხლძარღვების მცირე დაზიანების დროსაც კი.
- ჩვილებში ცხვირიდან სისხლდენა ძალზე იშვიათია.
- ცხვირიდან სისხლდენა შედარებით ხშირია 1-3 წლის და სასკოლო ასაკის ბავშვებში.
- ხშირ შემთხვევაში სისხლდენა უეცრად, ერთი ნესტოდან ვითარდება.
- ღამის განმავლობაში განვითარებული სისხლდენისას ბავშვმა შეიძლება გადაყლაპოს სისხლი და მოგვიანებით აღებინოს ან გამოყოს განავალთან ერთად. ამ უკანასკნელის დროს სისხლს მოშავო შეფერილობა ექნება.
- სისხლდენების უმრავლესობა ჩერდება თავისთავად რამდენიმე წუთის განმავლობაში.
- სისხლდენა იშვიათად წარმოადგენს სერიოზული დაავადების ნიშანს.
ცხვირიდან სისხლდენის ხშირი მიზეზები
- უცხო სხეული ცხვირის ღრუში
- თითით ცხვირის გაღიზიანება
- ცხვირის ტრავმა
- ცხვირის ლორწოვანის სიმშრალე
- ალერგიული რინიტი
დაუკავშირდით თქვენს ექიმს ან მიმართეთ გადაუდებელი დახმარების განყოფილებას, თუ
- ბავშვი არის ფერმკრთალი, ოფლიანი
- არ გეკონტაქტებათ
- ფიქრობთ, რომ დაკარგა დიდი რაოდენობით სისხლი
- აღინიშნება სისხლდენა პირიდან ან ღებინება ყავის ნალექის მაგვარი მასებით
- ცხვირიდან სისხლდენა დაიწყო თავის ნებისმიერი ტიპის ტრავმის შემდეგ
სისხლდენის შეჩერება
- ეცადეთ შეინარჩუნოთ სიმშვიდე და არ გაანერვიულოთ ბავშვი. როგორც წესი პრობლემა არ არის სერიოზული.
- დასვით ბავშვი და ოდნავ გადახარეთ წინ. არ დააწვინოთ ან გადააწევინოთ თავი უკან, რადგან შესაძლებელია ბავშვმა სისხლი გადაყლაპოს და მოგვიანებით აღებინოს, ხოლო გონების უეცარი დაკარგვის შემთხვევაში სისხლი გადასცდეს სასუნთქ გზებში.
- არ მოათავსოთ ცხვირის ღრუში ბამბა ან სხვა სახის მასალა სისხლდენის შესაჩერებლად.
- მოუჭირეთ თითები ცხვირის რბილ ქსოვილებზე სრული 10 წუთის განმავლობაში. ამ პერიოდში არ მოადუნოთ ზეწოლა სისხლდენის შეწყვეტის შესამოწმებლად. სისხლდენა შეიძლება განახლდეს.
- თუ სისხლდენა არ გაჩერდება 10 წუთის შემდეგ გაიმეორეთ ზეწოლა და დაუკავშირდით თქვენს ექიმს ან მიმართეთ უახლოეს გადაუდებელი დახმარების განყოფილებას.
