ზურგის ტკივილი
რა არის ზურგის ტკივილი?
- ტკივილი ან დისკომფორტი ზურგის ზედა, შუა ან ქვედა ნაწილში.
- კუნთების დაჭიმულობა ფიზიკური დატვირთვის დროს და ზურგის დაზიანება.
ზურგის ტკივილის მიზეზები
- ზურგის კუნთების დაჭიმულობა - ახლად აღმოცენებული ზურგის ტკივილი მოზარდებში უხშირესად განპირობებულია კუნთების დაჭიმვით ზედმეტი ფიზიკური დატვირთვის შედეგად. ტკივილი უპირატესად ლოკალიზებულია შუა და ქვედა ნაწილებში.
- ფიზიკური მუშაობა - სიმძიმის აწევა ან ტარება, ზურგის ძლიერი მოხრა ან გაშლა.
- ვარჯიში - ვარჯიშის ტიპის შეცვლა.
- ზურგჩანთა - სასკოლო ასაკის ბავშვებში ზურგის ტკივილის ხშირი მიზეზია. შესაძლოა გამოიწვიოს მხრების და კისრის ტკივილიც. რისკი ყველაზე მაღალია გარდამავალი ასაკის ბავშვებში, ვინაიდან მათ არ აქვთ ჩამოყალიბებული კუნთები.
- თირკმლის ინფექცია - ტკივილი აღინიშნება ცალ მხარეს ზურგის შუა ნაწილში. სხვა ნიშნებიდან აღსანიშნავია ცხელება და ტკივილი მოშარდვის დროს.
- თირკმლის კენჭი - ტკივილი ლოკალიზებულია ცალ მხარეს ზურგის შუა ნაწილში და გადაეცემა მუცლის ქვედა ნაწილში. შარდი შეიცავს სისხლს.
ტკივილის სიმძიმე
- მსუბუქი: ბავშვი გრძნობს და უჩივის ტკივილს, მაგრამ ტკივილი ხელს არ უშლის ჩვეული აქტივობების განხორციელებაში. სკოლის, თამაშის და ძილის რიტმი არ არის შეცვლილი.
- ზომიერი: ტკივილი ხელს უშლის ბავშვს ზოგიერთი აქტივობის განხორციელებაში. ტკივილმა შეიძლება გამოაღვიძოს ბავშვი.
- ძლიერი: ძლიერი, გაუსაძლისი ტკივილი. ის ხელს უშლის ნებისმიერი ნორმალური აქტივობის განხორციელებაში.
დაუყოვნებლივ მიმართეთ ექიმს შემდეგ სიტუაციებში
- გამოხატულია ძლიერი ტკივილი.
- ტკივილი იწყება ტრავმის მიღების შემდეგ (მაგ: ავტოსაგზაო შემთხვევა, სპორტული აქტივობა, სიმაღლიდან ვარდნა). ასეთ დროს არ გაამოძრაოთ ბავშვი სასწრაფო დახმარების მოსვლამდე.
- ფიქრობთ, რომ ბავშვს აღენიშნება სიცოცხლისთვის საშიში ან გადაუდებელი მდგომარეობა.
- საერთოდ არ შეუძლია მოშარდვა ან შარდს გამოყოფს წვეთებით.
- აქვს ტკივილი ან წვა მოშარდვისას, ასევე ცხელება.
- შარდი შეიცავს სისხლს.
- საერთოდ არ შეუძლია სიარული ან უჭირს სიარული.
- ტკივილი გადაეცემა დუნდულოს ან ბარძაყის მიდამოში.
- აღინიშნება კიდურის დაბუჟება.
- ბავშვი გამოიყურება ცუდად.
მიმართეთ ექიმს 24 საათის განმავლობაში შემდეგ სიტუაციებში
- ტკივილი ან წვა მოშარდვისას ცხელების გარეშე
- ცხელება
- 3 ან მეტი დღის განმავლობაში არ დადის ისე, როგორც ჩვეულებრივ
- ასაკი
- ტკივილი ზურგის ზედა ნაწილში
- ტკივილი გრძელდება კვირაზე მეტ ხანს
- ზურგის ტკივილის მიზეზი გაურკვეველია
- ზურგის ტკივილი განვითარდა უკანასკნელი 2 კვირის განმავლობაში ჭარბი ფიზიკური დატვირთვის შედეგად
- ზურგის ტკივილი ხშირი პრობლემაა
დახმარება სახლის პირობებში
ტკივილის საწინააღმდეგო საშუალებები
- პარაცეტამოლი
- იბუპროფენი
- აყუჩებს ზურგის ტკივილს და ხსნის კუნთების სპაზმს
ცივი საფენები ან ყინული
- ტკივილის ან შეშუპების დროს გამოიყენეთ ნაჭერში გახვეული ყინული 20 წუთის განმავლობაში
- პირველ დღეს გაიმეორეთ 4-ჯერ
- ამცირებს ტკივილს და ხსნის კუნთების სპაზმს
- მოერიდეთ ადგილობრივად მოყინვის განვითარებას
გამოიყენეთ სითბო 48 საათის შემდეგ
- თუ ტკივილი გრძელდება 2 დღეზე მეტ ხანს, მოათავსეთ სითბო მტკივნეული კუნთის მიდამოში 10 წუთის განმავლობაში
- სითბო ზრდის სისხლის ნაკადს და ხელს უწყობს დაზიანების ალაგებას
- მოერიდეთ დამწვრობას
გვერდზე დაწოლილი ძილი
- დასაძინებლად დააწვინეთ გვერდზე და ფეხებს შორის დაუდეთ ბალიში
- თუ ბავშვს სძინავს მხოლოდ ზურგზე, ფეხების ქვეშ დაუდეთ ბალიში
- არ დააწვინოთ მუცელზე
- არ დააწვინოთ რბილ ლეიბზე
ფიზიკური აქტივობა
- მოარიდეთ სპორტს ან სამუშაოს, რომელიც ზრდის ტკივილს
- მოარიდეთ სიმძიმის აწევას ან ხტუნაობას
- 48 საათის შემდეგ დაიწყეთ ზურგის გაშლის მსუბუქი ვარჯიში
- მკაცრი წოლითი რეჟიმი არ არის საჭირო
ზურგის ტკივილის პრევენცია
- შეზღუდეთ სატარებელი ტვირთის წონა. ის უნდა იყოს სხეულის წონის 15%-ზე ნაკლები. მაგალითად: 45 კგ წონის ბავშვმა არ უნდა აწიოს 7 კგ-ზე მეტი წონის ტვირთი.
- ძალზე მძიმე ტვირთის ტარების ნიშანია წინ გადახრა სიარულის დროს.
- დარწმუნდით, რომ ბავშვს აქვს კარგი ხარისხის ზურგჩანთა მხრის ფართე საკიდებით.
- მოერიდეთ ტვირთის ტარებას მხოლოდ ცალ მხარზე, რაც იწვევს მხრებისა და კისრის ტკივილს.
რას უნდა ველოდოთ
- ზურგის უმიზეზო ახლად აღმოცენებული ტკივილი ჩვეულებრივ გაივლის რამდენიმე დღეში.
- კუნთების დაჭიმვით გამოწვეული ზურგის ტკივილი გაივლის 1-2 კვირაში.
